Nafnabreytingar

Árnason Faktor hefur aflað sér víðtækrar reynslu á sviði nafnabreytinga á undanförnum árum. Við höfum unnið með bæði íslenskum og erlendum fyrirtækjum sem eru í nafnabreytingarferli, í samvinnu við sænska nafnasköpunarfyrirtækið Skriptor.

Það felst ákveðin áskorun í því að finna nýtt nafn á fyrirtæki - fyrirtæki sem jafnvel er rótgróið og vel þekkt. Nauðsynlegt er að taka marga mismunandi þætti til athugunar í ferlinu: nýja nafnið þarf að virka á öllum þeim málsvæðum sem ætlunin er að nota það í, má ekki brjóta á hugverkaréttindum annarra aðila og verður að falla að ímynd fyrirtækisins.

Sérfræðingar Árnason Faktor eru reiðubúnir til þess að aðstoða við öll þau atriði sem upp geta komið varðandi nafnabreytingar.